Գորիսի գլխավոր աղբավայրում հրդեհ է բռնկվել։ Տեղեկացնում է «Առուշ Առուշանյան» դաշինքը։
«Արդեն երկրորդ օրն է, ինչ Գորիսի Կոմունալ ծառայության և ԱԻՆ ՓԾ Գորիսի փրկարարական ջոկատի աշխատակիցները համատեղ հրդեհազիջման աշխատանքներ են իրականացնում քաղաքի գլխավոր աղբավայրում բռնկված հրդեհը մարելու համար:
![](https://iravaban.net/wp-content/uploads/2024/07/449837974_502935815573050_6559279410239757043_n.jpg)
Փրկարարները և կոմունալ ծառայության աշխատակիցներն անընդհատ իրականացնում են կրակի մարման, հողային աշխատանքներ՝ կանխելով կրակի տարածումը: Աշխատանքներին ներգրավված է նաև հատուկ տեխնիկա:
![](https://iravaban.net/wp-content/uploads/2024/07/449826285_502935892239709_4742064383820580909_n.jpg)
Ըստ նախնական վարկածի՝ հրդեհի առաջացման պատճառը մարդկային գործոնն է. ամենայն հավանականությամբ, կրակը բռնկվել է աղբավայրում աղբն այրելու հետևանքով:
Այս դեպքը, ցավոք, հերթական անգամ ցույց է տալիս, թե որքան կարևոր է հետևել հրդեհային անվտանգության կանոններին և պատասխանատվությամբ վերաբերվել շրջակա միջավայրին»:
Իրավիճակը գտնվում է համայնքապետարանի և համապատասխան ծառայությունների հսկողության տակ: Ձեռնարկվում են անհրաժեշտ միջոցառումներ հրդեհը մարելու և բնակչության անվտանգությունն ապահովելու ուղղությամբ:
Գորիսի համայնքապետարանը բնակիչներին հորդորում է պահպանել հրդեհային անվտանգության կանոնները: