Հայաստանի Հանրապետության վարչապետ Տիգրան Սարգսյանի որոշմամբ Ռուբեն Մելիքյանն ազատվել է Հայաստանի Հանրապետության արդարադատության նախարարի տեղակալի պաշտոնից՝ այլ աշխատանքի անցնելու կապակցությամբ։
Իրավաբան.net–ն ավելի վաղ հայտնել էր, որ Արդարադատության ակադեմիայի կառավարման խորհուրդն արդարադատության ակադեմիայի ռեկտոր է ընտրել իրավաբանական գիտությունների թեկնածու, դոցենտ, Արդարադատության նախարարի տեղակալ Ռուբեն Մելիքյանին:
Իրավաբան.net-ը ներկայացնում է Արդարադատության ակադեմիայի ռեկտոր Ռուբեն Մելիքյանի կենսագրությունը:
Ծննդյան տարեթիվ, ամսաթիվ, ծննդավայր
1982թ. հունիսի 26, ք. Երևան
Աշխատանքային գործունեություն
2012թ. հունվարից նշանակվել է ՀՀ արդարադատության նախարարի տեղակալ:
2009-2012թթ. աշխատել է ՀՀ վճռաբեկ դատարանի նախագահի խորհրդական:
2008-2009թթ. եղել է Քրեական պալատի նախագահի ավագ օգնական:
2007 թվականին աշխատել է դատավորի խորհրդական:
2003 թվականից դասավանդում է Երևանի պետական համալսարանի Քրեական դատավարության և կրիմինալիստիկայի ամբիոնում:
2010 թվականին ստացել է դոցենտի կոչում:
2008 թվականից դասավանդում է ՀՀ դատական դպրոցում:
Կրթություն
2008թ. հունիս-դեկտեմբեր ամիսներին ավարտել է ԹԱՖԹՍ համալսարանի Իրավունքի և դիվանագիտության Ֆլեթչերի դպրոց Իրավունքի և միջազգային հարաբերությունների գծով ինտենսիվ ուսուցումը (Թավիդյան հիմնադրամի ծրագիր):
2003-2006 թթ. սովորել է Երևանի պետական համալսարանի Քրեական դատավարության և կրիմինալիստիկայի ամբիոնի ասպիրանտուրայում:
2006թ.-ին-պաշտպանել է Վերաքննության հիմնահարցերը ՀՀ քրեական դատավարությունում թեմայով թեկնածուական ատենախոսություն և ստացել իրավաբանական գիտությունների թեկնածուի գիտական աստիճան:
2001-2003թթ. սովորել է Երևանի պետական համալսարանի իրավաբանական ֆակուլտետում և ստացել մագիստրոսի աստիճան:
1997-2001թթ. սովորել է Երևանի պետական համալսարանի իրավաբանական ֆակուլտետում և ստացել բակալավրի աստիճան:
Հասարակական և մասնագիտական կազմակերպությունների անդամակցություն
2008-2011թթ. եղել է ԵՊՀ իրավագիտության ֆակուլտետի մեթոդական խորհրդի նախագահ:
2008թվականից ԵՊՀ իրավագիտության ֆակուլտետի գիտական խորհրդի անդամ է և ICLAW ՀԿ հիմնադիր անդամ:
Այլ տեղեկություններ
Տիրապետում է ռուսերենին և անգլերենին
Զինապարտ է
Անկուսակցական է
Հրապարակումների ցանկը
• ՀՀ քրեական դատավարության նոր օրենսգրքի հայեցակարգ.Եր., 2011թ., 56 էջ,համահեղինակ ԵՊՀ աշխատանքային խմբի կազմում (ՀՀ քրեական դատավարության նոր օրենսգրքի մշակման համար հիմք է ընդունվել ՀՀ Կառավարության 2011թ. մարտի 10-ի թիվ 9 արձանագրային որոշմամբ
• ՀՀ վճռաբեկ դատարանի որոշումների գիտագործնական մեկնաբանություններ». Եր., 2011թ., 408 էջ, համահեղինակ և խմբագրական խորհրդի անդամ
• «ՀՀ վճռաբեկ դատարանի քրեական գործերով որոշումների ժողովածու, 2009-2010թթ., 2-րդ հատոր».Եր., 2010թ., 560 էջ, կազմող
• «Իրավաբանական գիր և վերլուծություն». Եր., 2008 (1-ին հրատ – 252 էջ), 2009 (2-րդ վերամշ. հրատ. – 208 էջ), 2010թ., (3-րդ, լրաց. և վերամշ. հրատ. – 300 էջ), համահեղինակ
• «Դատավորի ձեռնարկ». Եր., 2010թ., 414 էջ, համահեղինակ
• «Վերաքննությունը ՀՀ քրեական դատավարությունում». Եր., 2007թ., 200 էջ
• «Արդարադատության մատչելիություն. Եվրոպական փորձ և հայաստանյան մարտահրավերներ». Եր., 2005թ., 103 էջ, համահեղինակ
22 գիտական հոդված (հրատարակված 2004-2011թթ.)
Նշենք, որ նորաստեղծ «Արդարադատության ակադեմիա» ՊՈԱԿ-ի ստեղծման նպատակն է դատավորների և դատախազների թեկնածուների ցուցակում ընդգրկված անձանց մեջ դատավորի կամ դատախազի պաշտոն զբաղեցնելու համար անհրաժեշտ հմտությունների ձևավորումը, մասնագիտական գիտելիքների ընդլայնումը, կրթական ծրագրերի աստիճանական մերձեցումը, համատեղ կրթական ծրագրերի իրականացումը:
