Քիչ առաջ արտակարգ դեպք է գրանցվել Երևանի կենտրոնում։ Հանրապետության հրապարակում ոստիկանական ավտոմեքենաները հետապնդում էին «Համեր» ավտոմեքենայի վարորդին։ Վերջինս փորձում էր ճողոպրել ավտոմեքենայի ճանապարհն արգելափակած ոստիկաններից` ճանապարհի երթևեկելի հատվածից մայթ բարձրանալով։
Ֆեյսբուքյան օգտատեր Աշոտ Ասատրյանը սոցցանցի իր էջում տեսանյութ է հրապարակել, որտեղ երևում է, որ ոստիկանական ծառայողները փորձում են կանգնեցնել մեքենան, կարգազանց վարորդը չի կանգնեցնում ընթացքն ու կառավարական գլխավոր շենքի մոտ վրաերթի է ենթարկում ոստիկաններից մեկին։
Վայրկյաններ անց ոստիկաններն ի վերջո կանգնեցնում են «Համերը»։ Նշենք, որ սոցցանցերում հրապարակված կադրերում կրակոցի նմանվող ձայներ են լսվում։
