Նախագահ Վահագն Խաչատուրյանը փետրվարի 1-ին հրամանագիր է ստորագրել՝ Հատուկ բանակային կորպուսի հրամանատարի վերաբերյալ։
Հրամանագրերից մեկով Արտակ Բուդաղյանն ազատվել Հատուկ բանակային կորպուսի հրամանատարի պաշտոնից։ Նա այս պաշտոնում նշանակվել է 2021-ի օգոստոսին։
Մեկ այլ հրամանագրով՝ Արմեն Գյոզալյանը նշանակվել է Հատուկ բանակային կորպուսի հրամանատար՝ ազատելով նրան Հայաստանի Հանրապետության զինված ուժերի գլխավոր շտաբի օպերատիվ գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալի պաշտոնից:
Լուսանկարում նորանշանակ հրամանատարն է։
Iravaban.net-ը ներկայացնում է Գյոզալյանի կենսագրությունը․
Ծնվել է 1977թ. հունիսի 16-ին, ՀՀ Սյունիքի մարզ, Տեղ գյուղ
1998թ. զորակոչվել է ՀՀ զինված ուժեր
2000-2022թթ.
Զինված ուժերի կազմում զբաղեցրել է տարբեր ղեկավար պաշտոններ
2015-2020թթ.
զբաղեցրել է տարբեր զորամասերի հրամանատարի պաշտոններ
2021 թ.
ՀՀ նախագահի հրամանագրով նշանակվել է հատուկ բանակային կորպուսի շտաբի պետ-կորպուսի հրամանատարի տեղակալ
2022թ.
փետրվարի 24-ին ՀՀ նախագահի հրամանագրով նշանակվել է ՀՀ ԶՈՒ ԳՇ օպերատիվ գլխավոր վարչության պետ-ՀՀ ԶՈՒ ԳՇ պետի տեղակալի պաշտոնում
ԿՐԹՈՒԹՅՈՒՆ
1984-1994թթ.
սովորել է Գորիսի թիվ 3 միջնակարգ դպրոցում
1994-1998թթ.
սովորել է Հայաստանի պետական ճարտարագիտական համալսարանում
2011-2012թթ.
սովորել և գերազանցությամբ ավարտել է ՌԴ ԶՈւ համազորային ակադեմիան
ԱՅԼ ԳՈՐԾՈՒՆԵՈՒԹՅՈՒՆ
Պարգևատրվել է պետական և գերատեսչական մեդալներով
«Մարտական խաչ» 2-րդ աստիճանի շքանշանով, ԱՀ «Արիության համար», ՀՀ «Մարտական ծառայության», ԱՀ «Մարտական ծառայության», ՊՆ «Մարշալ Բաղրամյան», «Գարեգին Նժդեհ», «Վազգեն Սարգսյան», «Անդրանիկ Օզանյան» «Դրաստամատ Կանայան», «Անբասիր ծառայության համար» 1-ին, 2-րդ ,3-րդ, 4-րդ աստիճանի գերատեսչական մեդալներով, ԱՀ «Մայրական երախտագիտություն» և այլ մեդալներով:
Ամուսնացած է, ունի երկու երեխա
