Շիրակի մարզպետ Նազելի Բաղդասարյանը հունվարի 23-ին որոշում է ընդունել՝ կարգապահական տույժի ենթարկելու մասին։
Iravaban.net-ը հայտնում է, որ տույժի է ենթարկվել «Հոռոմի բժշկական ամբուլատորիա» ՊՈԱԿ-ի տնօրեն Սաթենիկ Սարգսյանը։ Պատճառն աշխատանքային պարտականությունները ոչ պատշաճ կատարելն է։
Սարգսյանին նկատողություն է հայտարարվել։
Ավելի վաղ հայտնել ենք, որ հունվարի 25-ին Շիրակի մարզպետ Նազելի Բաղդասարյանը հայտարարություն է տարածել ու հայտնել, որ վարչապետ Նիկոլ Փաշինյանին է ներկայացրել Շիրակի մարզպետի պաշտոնից հրաժարականի իր դիմումը։
