Ղրիմի կամրջի պայթյունի կազմակերպիչները, պատվիրատուները և իրագործողները եղել են Ուկրաինայի հատուկ ծառայությունները, սա ահաբեկչություն է, հայտարարել է ՌԴ նախագահ Վլադիմիր Պուտինը Քննչական կոմիտեի նախագահ Ալեքսանդր Բաստրիկինի հետ հանդիպմանը։ Գրում է РИА Новости-ին։
«Կասկած չկա, սա ահաբեկչություն է, որի նպատակն է ոչնչացնել Ռուսաստանի շատ կարևոր քաղաքացիական ենթակառուցվածքները»,- ընդգծել է նա։
Քննչական կոմիտեի ղեկավարը հայտարարել է «ահաբեկչություն» հոդվածով քրեական գործ հարուցելու մասին։ Նա պետության ղեկավարին տեղեկացրել է նաև պայթյունի նախապատրաստման մեջ ներգրավված կասկածյալների ինքնության մասին։
«Մենք արդեն պարզել ենք բեռնատարի երթուղին, որտեղ տեղի է ունեցել պայթյունը: Դրանք են՝ Բուլղարիան, Վրաստանը, Հայաստանը, Հյուսիսային Օսիան, Կրասնոդարը։ Մեզ հաջողվել է կասկածյալներից բացահայտել նրանց, ովքեր կարող էին իրականացնել ահաբեկչությունը։
Ինչպես պարզաբանել է Քննչական կոմիտեի նախագահը, պայթյունի կազմակերպմանը մասնակցել են ինչպես Ուկրաինայի հատուկ ծառայությունները, այնպես էլ Ռուսաստանի ու արտասահմանյան երկրների քաղաքացիներ։
