Սեպտեմբերի 8-ին, ժամը 19:26-ին Արմավիրի մարզային ճգնաժամային կառավարման կենտրոն տեղեկություն է ստացվել, որ Փարաքար գյուղի Բաղրամյան փողոցում գտնվող ավտոտնակում այրվում է ավտոմեքենա։
Այս մասին տեղեկանում ենք Արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Բաղրամյան փողոցում գտնվող ավտոտեխսպասարկման կետում։
Հրդեհը մեկուսացվել է ժամը 19։41-ին, մարվել՝ 19։56-ին։ Այրվել են «Chrysler» մակնիշի ավտոմեքենայի շարժիչի հատվածը և սրահը։
