Բելառուսի նախագահ Ալեքսանդր Լուկաշենկոն շնորհավորել է Հռոմի պապ Ֆրանցիսկոսին հովվապետության հանդիսավոր սկզբի տարեդարձի կապակցությամբ և նշել, որ հույս ունի հանդիպել մոտ ապագայում։ Այս մասին կիրակի հայտնել է Բելառուսի ղեկավարի մամուլի ծառայությունը։
«Բելառուսը կիսում է եղբայրություն կառուցելու Ձեր կոչը՝ հարգելով ժողովուրդների մշակույթն ու ավանդույթները: Ես համաձայն եմ Ձեզ հետ, որ գոյություն ունեցող միակ պատնեշը կարող է լինել միայն պատնեշ ատելության և անարդարության, սպառնալիքների և ուրիշի կամքի պարտադրման դեմ։ Հուսով եմ, որ մոտ ապագայում մենք անձամբ կքննարկենք այս և այլ թեմաներ»,-նշել է նա։
Լուկաշենկոյի հաղորդագրության մեջ նշվում է, որ Մինսկի և Վատիկանի փոխգործակցության պատմությունը, Բելառուսում Հռոմի կաթոլիկ եկեղեցու գործունեությունը հստակ հաստատում է, որ «ցանկացած խնդիր կարող է լուծվել երկխոսության, հարգանքի և վստահության միջոցով՝ ամրապնդելու և ընդլայնելու կապերը»։
Հանրապետության ղեկավարն ասել է, որ այս տարին առանձնահատուկ է երկկողմ համագործակցության և բելառուսների կյանքում։ Այն նշանավորվում է Բելառուսի և Սուրբ Աթոռի միջև դիվանագիտական հարաբերությունների հաստատման 30-ամյակով, բելառուսերենով առաջին աղոթագրքի հրատարակման 500-ամյակով, Բելառուսում առաջին քրիստոնեական թեմի ստեղծման 1030-ամյակով:
«Մենք հպարտությամբ ենք հիշում անցյալը և հույսով նայում ապագային», – ասել է Լուկաշենկոն։
