Փ․Ս․-ին մեղադրանք է առաջադրվել վարչապետ Նիկոլ Փաշինյանի, ՀՀ բարձր տեխնոլոգիական արդյունաբերության նախարար Վահագն Խաչատուրյանի և վերջիններիս ընտանիքների անդամների նկատմամբ հայհոյանք հնչեցնելու համար։

Իրավաբան․net-ը հայտնում է, որ նրա նկատմամբ խափանման միջոց է ընտրվել ստորագրությունը չհեռանալու մասին։

Մեղադրանք է առաջադրվել Քրեական օրենսգրքի 137․1 հոդվածի 2-րդ մասով, այն է՝ ծանր վիրավորանքը, որը՝

1) կատարվել է տեղեկատվական կամ հաղորդակցական տեխնոլոգիաներն օգտագործելով կամ հրապարակային այլ եղանակով,

2) կատարվել է անձի հանրային գործունեությամբ պայմանավորված։

Նշենք, որ օրենսդրությամբ՝ արարքը պատժվում է տուգանքով` 500 հազարից 1 միլիոն դրամի չափով։

Գործը մակագրվել է դատավոր Վահագն Մելիքյանին։