.png)
Կատարելով բարձրաստիճան պաշտոնատար անձանց էթիկայի հանձնաժողովի առաջարկը` Վանաձորի քաղաքապետ Սամվել Դարբինյանը հստակ և աներկբա տեքստով հրապարակային ներողություն հայցել վանաձորցիներից:
Հայտարարության տեքստը տեղադրվել է Վանաձորի քաղաքապետարանի պաշտոնական կայքէջում, որում մասնավորապես ասված է.
«Հարգարժան վանաձորցիներ.
Հավաստում եմ, որ հինգ անգամ ժողովրդի վստահությունը շահած քաղաքապետն ամենից լավ գիտի ինչ բարձր գիտակցական մակարդակ ունի ժողովուրդը և ինչպես է նա գնահատում համայնքի ղեկավարի կողմից կատարված աշխատանքը:
Կրկին անգամ նշում եմ, որ մամուլին տված իմ հեռախոսային հարցազրույցներից մեկում տեղին չի օգտագործվել բառ, որի համար հայցում եմ այն համաքաղաքացիներիս ներողամտությունը, ում ակամայից վիրավորել եմ:
Վանաձորցիների նկատմամբ իմ անսահման սերն ու հարգանքը ես միշտ արտահայտել եմ գործով և հարազատ քաղաքի խնդիրները լուծելու վճռականությամբ»:
