Մարտական ինքնաթիռները և Իսրայելի Պաշտպանության ուժերի ուղղաթիռը երեքշաբթի օրը գրոհել է Պաղեստինյան արմատական «ՀԱՄԱՍ» խմբավորման ստորգետնյա կառույցը Գազայի հարավային հատվածում ՝ ի պատասխան Իսրայելի տարածքի ուղղությամբ հրթիռային հարվածների: Այս մասին հայտնում են բանակի մամուլի ծառայությունից:
«Այսօր ավելի վաղ Գազայի հատվածից հրթիռ էր արձակվել Իսրայել: Դրան ի պատասխան ՝ կործանիչները և մարտական ուղղաթիռը Գազայի հարավում հարվածեցին «ՀԱՄԱՍ» ահաբեկչական կազմակերպությանը պատկանող ստորգետնյա կառույցին», – ասված է հայտարարության մեջ:
Երեքշաբթի երեկոյան Իսրայելի «Երկաթե գմբեթ» հակաօդային պաշտպանության համակարգը կասեցրել է Գազայի հատվածից Իսրայելի ուղղությամբ արձակված հրթիռը, ավելի վաղ հայտնել էին զինվորականները։ Նախորդ անգամ Գազայի հատվածից պաղեստինյան արմատականները հոկտեմբերի 16-ին էին հրթիռներ արձակել: Հրթիռը պայթել էր անմարդաբնակ վայրում, զոհերի և ավերածությունների մասին չի հաղորդվել:
