Արցախի նախագահի մամուլի խոսնակ Վահրամ Պողոսյանն այսօր ասել է, որ հակառակորդը շարունակում է ինտենսիվ կրակ վարել շփման գծի ողջ երկայնքով, սակայն Պաշտպանության բանակը լիովին վերահսկում է իրավիճակը:
Լրագրողների հետ հանդիպման ժամանակ նա հերքել է Ադրբեջանի տարածած լուրերն այն մասին, թե ադրբեջանական բանակը 6 բնակավայր է գրավել:
«Դա ապատեղեկատվություն է»,- ասել է Պողոսյանը:
Արցախի նախագահի մամուլի խոսնակը հայտնել է, որ բնակչության շրջանում խուճապ չկա, բոլորը հիմնականում ապաստարաններում են, քանի որ հակառակորդը թիրախավորել է քաղաքացիական բնակավայրերը, այդ թվում՝ Ստեփանակերտն ու Շուշին:
