Ազգային ժողովի «Իմ քայլը» խմբակցության պատգամավոր Քրիստինե Պողոսյանն ապաքինվել է կորոնավիրուսից: Այդ մասին ԱԺ նախագահ Արարատ Միրզոյանը հայտարարել է խորհրդարանի արտահերթ նիստում: Պողոսյանի կորոնավիրուսով վարակվելու մասին հայտնի դարձավ հունիսի 24-ին, նա տանն էր մեկուսացել։
ԱԺ «Լուսավոր Հայաստան» խմբակցության անդամ Գևորգ Գորգիսյանը նիստի ժամանակ ասել է․ «Իմ կարծիքով «Իմ քայլը» խմբակցությունն ամբողջ կազմով պետք է ինքնամեկուսանար։ Կան պատգամավորներ, որոնց վարակված լինելու մասին հայտարարվել է, բայց 14 օրը չի անցել, իսկ նրանք մասնակցում են նիստին»։
Միրզոյանը, անդրադառնալով այդ դիտարկմանը, ասել է, որ այն պատգամավորները, որոնք ցուցում ունեին մեկուսանալու կամ ինքնամեկուսանալու, հետևել են դրան։
