Կառավարությունը ապրիլի 16-ի հերթական նիստին որոշում ընդունեց ընդլայնելու կորոնավիրուսի տնտեսական հետևանքների չեզոքացման 8-րդ և 9-րդ միջոցառման շահառու հանդիսացողների շրաջանակը։
Որոշումը գործադիրի անդամներին ներկայացրեց Աշխատանքի և սոցիալական հարցերի նախարար Զարուհի Բաթոյանը։
Նշվեց, որ 8-րդ ծրագրից կարող են օգտվել նաև՝
- ցամաքային տրանսպորտի գործունեություն (երթուղային տրանսպորտ),
- նախադպրոցական կրթություն (մասնավոր մանկապարտեզներ),
- սպորտի բնագավառում գործունեություն (սպորտային ակումբներ, լողավազաններ),
- զվարճությունների և հանգստի կազմակերպման այլ գործունեություն իրականացնող կազմակերպությունների գրանցված աշխատողները։
Իսկ ապրիլի 10-ի ընդունված՝ Կորոնավիրուսի տարածման հետևանքով առաջացած դժվարությունների արդյունքում սոցիալական խնդիրների առջև կանգնած՝ մինչև 18 տարեկան երեխաներ ունեցող ընտանիքներին միանվագ աջակցություն տրամադրելու կարգը հաստատելու մասին 9-րդ միջոցառման շահառու արդեն կարող են հանդիսանալ նաև այն ընտանիքները, երբ գրանցված աշխատանք ունեցող ծնողը 2020 թ. մարտի 12-ի դրությամբ գտնվել է մինչև 3 տարեկան երեխայի խնամքի արձակուրդում։
