Հայաստանից ժամանած ռեանիմոբիլներն րոպեներ առաջ մեկնարկեցին իրենց երթը Թբիլիսիից դեպի Հայաստան։ Նրանք տեղափոխում են 2 տուժածի, ինչպես նաև մի քաղաքացու, ով դուրս էր գրվել, սակայն ժամեր անց նրա զգացողությունը վատացել էր։
Այս մասին հայտնում են Վրաստանում ՀՀ դեսպանության մամուլի ծառայությունից:
Հիվանդանոցում դեռևս գտնվում են երկու տուժած, որոնց հարազատները տեղափոխման համաձայնություն չեն տվել։
Հիշեցնենք, որ ժամը 3:00-ի սահմաններում Վրաստանի տարածքումԵրևանից Բաթում մեկնող միկրոավտոբուսը Գուգութի-Մառնեուլի ավտոճանապարհի 4-րդ կմ-ին վթարի է ենթարկվել։ ՀՀ ԱԻՆ-ը տեղեկացնում է, որ ըստ նախնական տվյալների՝ կա 2 զոհ և 19 տուժած: Տուժել են ՀՀ քաղաքացիներ:
