Կսահմանվի ուսուցիչների աշխատավարձի նվազագույն շեմ: Այս մասին մայիսի 8-ին, Ազգային ժողովում կառավարության հետ հարցուպատասխանի ժամանակ հայտարարեց ԿԳ նախարար Արայիկ Հարությունյանը:
Նախարարը նշում է, որ նախկինում «հարուստ դպրոցներից» կատարվող վերաբաշխումները այլևս չեն արվի:
«Նոր բանաձևի միջոցով դպրոցները իրենց ֆինանսավորումը կստանան արդեն դասարանների քանակով, այլ պարամետրեր նույնպես հաշվի կառնվեն: Փոքր կազմ ունեցող դպրոցները ավելի լուրջ հնարավորություններ կստանան: Մենք սահմանելու ենք աշխատավարձերի ստորին շեմ, որտեղից արդեն ցանկացած հաջորդ բարձրացում շեմի վրա է հաշվարկվելու՝ ըստ տոկոսների»,-նշեց Արայիկ Հարությունյանը:
Ինչպես ավելի վաղ հայտնել էր վարչապետ Նիկոլ Փաշինյանը, այս տարի սեպտեմբերի 1-ից ուսուցիչների աշխատավարձը բարձրանալու է:
