Կրթության և գիտության նախարար Արայիկ Հարությունյանը կառավարության հավանությանն է ներկայացրել որոշման նախագիծ, որով առաջարկվում է վերակազմավորել «Հ. Գյուլիքեխվյանի անվան Հ. 103 ավագ դպրոց» պետական ոչ առևտրային կազմակերպությունը «Հայ-չինական բարեկամության դպրոց» հիմնադրամի։
Նախագծի ընդունման դեպքում կառավարությունը պետք է հաստատի հիմնադրամի կանոնադրությունը:
Հիմնադրամում հիմնադրի անունից հանդես եկող պետական կառավարման լիազոր մարմին է սահմանվել կրթության և գիտության նախարարությունը:
Հիմնադրամի գործադիր տնօրենի ժամանակավոր պաշտոնակատար նշանակի Սպարտակ Պավլուշի Վարդանյանին:
Կառավարությունը պետք է առաջարկի հիմնադրամի տնօրենի պաշտոնակատարին՝ սույն որոշումն ուժի մեջ մտնելուց հետո երկամսյա ժամկետում օրենքով սահմանված կարգով ապահովել հիմնադրամի պետական գրանցումը:
Հիմնադրամի պետական գրանցումից հետո եռամսյա ժամկետում՝ վարչապետի հաստատմանը պետք է ներկայացվի հիմնադրամի հոգաբարձուների խորհրդի կազմը:
Սահմանվել է, որ հիմնադրամը «Հ. Գյուլիքեխվյանի անվան Հ. 103 ավագ դպրոց» պետական ոչ առևտրային կազմակերպության իրավահաջորդն է և նրան են անցնում վերակազմակերպված իրավաբանական անձի իրավունքներն ու պարտականությունները՝ փոխանցման ակտին համապատասխան, Գյուլիքեխվյանի անվան Հ. 103 ավագ դպրոց» վերակազմակերպման հետ կապված ծախսերը կատարվելու են պետական ոչ առևտրային կազմակերպության միջոցների հաշվին:
