Կրթության և գիտության նախարարությունը հնարային քննարկման է ներկայացրել ՀՀ կառավարության «Հայաստանի Հանրապետության կառավարության 2006 թվականի հունվարի 12-ի N 73-Ն որոշման մեջ փոփոխություններ և լրացումներ կատարելու մասին» որոշման նախագիծը:
Այս որոշման նախագծով հաստատված նախնական մասնագիտական (արհեստագործական) և միջին մասնագիտական կրթության մասնագիտությունների ցանկերի վերանայում, աշխատաշուկայի պահանջներին առավել համապատասխանեցում է նախատեսվում:
Նախագծի հիմնավորման համաձայն, նախնական մասնագիտական (արհեստագործական) և միջին մասնագիտական կրթության մասնագիտությունները և որակավորումները ձևավորվում են առաջին հերթին հիմք ընդունելով աշխատաշուկայի պահանջները և կարիքները: Դրանք որոշակիացվում են նույն շուկայի ծավալի և կառուցվածքի հիման վրա: Խոշոր գործատուների մոտ աշխատանքի բաժանումը բերում է այն բանին, որ որակավորումները առավել դետալացվում են և առաջանում են ամբողջական որակավորման առավել մանր միավորներ: Միջին և փոքր տնտեսություններում այսպիսի դետալացման անհրաժեշտություն չկա և նույն մասնագետը իրականում կատարում է մի քանի հարակից որակավորումներին վերաբերող գործողություններ: Որոշման նախագծով հիմանականում վերանայվել են գյուղատնտեսական ուղղվածություն ունեցող մասնագիտությունները, որոշ մասնագիտությունների գծով ավելացվել է (ըստ ճյուղերի) բառերը, ինչը հնարավորություն կտա հետագայում նշյալ մասնագիտությունների գծով կրթության և գիտության նախարարության կողմից հաստատել մասնագիտացումներ: Նախագծով նաև լրացվել է նոր մասնագիտություններ, որոնք պահանջարկված են աշխատաշուկայում, ինչպես նաև խմբագրվել է ցանկում եղած անճշտությունները:
