Պետական գույքի կառավարման կոմիտեի նախագահ Նարեկ Բաբայանը մշակույթի նախարար Լիլիթ Մակունցին առաջարկել է նախարարության հետ համատեղ անցկացնել հանրային լսում՝ Հայֆիլմի հիմնախնդիրների հետ կապված։
Այս մասին նա գրում է․
«Օրերս Պետական գույքի կառավարման կոմիտեի մի խումբ աշխատակիցների հետ եղանք Հայֆիլմ կինոստուդիայի տարածքում և անձամբ ծանոթացանք խնդիրներին, շենքերի անմխիթար վիճակին, ընթացիկ աշխատանքներին և լսեցինք տնօրինության առաջարկները։
Ասեմ նաև, որ Հայֆիլմում վերջերս նշանակվել է փոխտնօրեն, ինչի մասին ես նախապես տեղյակ չեմ եղել, սակայն ծանոթ եմ այդ նշանակմամբ պայմանավորված բողոքներին։
Քանի որ հարցը հանրային մեծ հետաքրքրութուն ունի, և քանի որ արդեն իսկ ինձ են դիմել Հայֆիլմի ապագայով մտահոգ մի խումբ քաղաքացիներ, Լիլիթ Մակունցին առաջարկել եմ Մշակույթի նախարարության հետ համատեղ անցկացնել հանրային լսում Հայֆիլմի հետագայի վերաբերյալ և ստացել դրական պատասխան։
Ուստի սույնով տեղեկացնում եմ, որ վերոնշյալ հանրային լսմանը մասնակցել ցանկացողները կարող են գրանցվել մինչև ս.թ. հուլիսի 29-ը՝ գրելով [email protected] հասցեով իրենց անուն ազգանունն ու հեռախոսահամարը։
Տեղի և ժամի մասին կհայտնենք հեռախոսով»։
Նարեկ Բաբայանը նաև կցել է լուսանկարը․
