Իրավաբան.net–շարունակում է ներկայացնել պաշտոնատար անձանց կենսագրությունները: Մալաթիա-Սեբաստիա վարչական շրջանի ղեկավար Արտակ Ալեքսանյանը 29 տարեկան է: Նա ծնվել է 1988թ. սեպտեմբերի 28-ին Երևանում:
Ստորև ձեզ ենք ներկայացնում նրա կենսագրությունը.
1995-1997թթ. սովորել է թիվ 112 միջնակարգ դպրոցում, 1997-1999թթ. ուսումը շարունակել է Նիկոլ Աղբալյանի անվան թիվ 19 միջնակարգ դպրոցում, 2000-2003թթ.՝ Անգլիայի Royal Russel school դպրոցում, 2005թ. ավարտել է անգլիական թեքումով թիվ 114 միջնակարգ դպրոցը:
2005-2009 թթ. սովորել է Հայաստանի պետական տնտեսագիտական համալսարանի բիզնեսի կազմակերպում ֆակուլտետում:
2009-2012 թթ. սովորել է Երևանի պետական համալսարանի տնտեսագիտության տեսություն ֆակուլտետում և ստացել տնտեսագիտության մագիստրոսի աստիճան:
2011թ.-ից աշխատում է Մալաթիա-Սեբաստիա վարչական շրջանում` որպես վարչական շրջանի ղեկավարի տեղակալ:
2013 թ. նշանակվել է Մալաթիա-Սեբաստիա վարչական շրջանի ղեկավար:
2012թ. պարգևատրվել է «Զինված ուժերի» 20-ամյակի հոբելյանական մեդալով։
2015թ. պարգևատվել է Հայաստանի Հանրապետության պաշտպանության նախարարության «Վազգեն Սարգսյան» մեդալով։
2017թ. պարգևատրվել է ԼՂՀ նախագահի «Երախտագիտություն» մեդալով։
Ամուսնացած է, ունի երկու որդի:
