Գործով ամբաստանյալ, ադամանդագործ Աշոտ Սուքիասյանի պաշտպանն այսօր մեջբերումներ արեց տուժող Փայլակ Հայրապետյանի նախաքննական ցուցմունքներից՝ պնդելով այն հանգամանքը, որ իրականում իր պաշտպանյալի և այժմ ունեզրկված գործարար Փայլակ Հայրապետյանի միջև եղել են քաղաքացիաիրավական հարաբերություններ, միասին բիզնես են սկսել, և Աշոտ Սուքիասյանը վստահությունը չարաշահելու եւ խաբեությամբ գույքին տիրանալու գործողություններ չի կատարել:

Նիստը հետաձգվեց մեղադրող դատախազ Դավիթ Վեքիլյանի միջնորդությամբ. Նա հայտնեց, որ կարևոր գործ պետք է անի, որը գաղտնիք է և չի կարող հրապարակել լրատվամիջոցների ներկայությամբ:

Էրեբունի և Նուբարաշեն վարչական շրջանների ընդհանուր իրավասության դատարանում, դատավոր Վլադիմիր Գրիգորյանի նախագահությամբ, այսօր շարունակվեց սկանդալային օֆշորային գործով դատավարության հերթական նիստը:

Գործով վկաններից` Նելլի Հարությունյանը և Արփիկ Պալյանը չէի ներկայացել դատարան: Այս վկաներեը մի քանի անգամ ծանուցվել, սակայն չեն ներկայացել դատարան: Դատարանը հայտեցն, որ ևս մեկ անգամ ծանուցվելու և չներկայանալու դեպքում կդիմեն իրավապահ մարմիններին՝ վերջիններիս բերման ենթարկվելու համար:

Գործով վկա` Սասուն Նազարյանը, դատարանում պատմեց, որ տուժող Փայլակ Հայրապետյանի հետ ծանոթացել է 30 տարի առաջ և աշխատել է վերջինիս մոտ որպես իրավախորհրդատու: Իսկ ամբաստանյալ Աշոտ Սուքիասյանն իր հարևանն է եղել:

Նա նշեց, որ այդ ժամանակվա էկոնոմիկայի նախարար Ներսես Երիցյանը գործարարների միջև նստելու սովորություն չի ունեցել, հավանաբար նստած է եղել սեղանի գլխամասում: Ու նաև Աշոտ Սուքիասյանի կողմից բերված հումքը թղթե ծրարի մեջ չի եղել ու ինքն էլ մկրատով չի բացել այդ ծրարը, ինչպես պնդում է տուժող Փայլակ Հայրապետյանը:

Ամբաստանյալ Աշոտ Սուքիասյանն այս պատասխանից հետո, դիմելով տուժողին, ասաց. «Այս գործի ավարտից հետո մի ֆիլմ պիտի նկարեմ, բայց չգիտեմ՝ թե ով կկարողանա խաղալ Ձեր դերը»:

Սկանդալային օֆշորի գործով այսօր ժամը 12-ին նշանակված դատական նիստը հետաձգվեց՝ գործը քննող դատավոր Վարդան Գրիգորյանի զբաղվածության պատճառով: Նիստը նշանակվել է ժամը 14-ին: Դատարան էին եկել գործով տուժող անցնող գործարար Փայլակ Հայրապետյանի ներկայացուցիչ Լեռնիկ Հովհաննիսյանը, մեղադրող դատախազը: Նրանք հայտնեցին, որ նիստի հետաձգման վերաբերյալ իրենց նախապես չեն հայտնել: Իրավաբան.net

Ամբաստանյալը խնդրեց նիստը հետաձգել և առանց իր պաշտպանի ներկայության չշարունակել դատաքննությունը: Տուժող Փայլակ Հայրապետյանը դժգոհ էր, որ նիստը պետքէ հետաձգվի. «Մի հոգի չի գալիս, նիստը հետաձգվում է, էսպես ո՞նց կլինի»: Դատավորը պատասխանեց. «Այդպես էլ է լինում»:

Էրեբունի և Նուբարաշեն վարչական շրջանների ընդհանուր իրավասության դատարանում այսօր շարունակվեց սկանդալային օֆշորի գործով տուժող ճանաչված գործարար Փայլակ Հայրապետյանի հարցաքննությունը: