Վերջում նա դատարանին խնդրեց իր նկատմամբ կայացնել արդարացման դատավճիռ:

Դատավորի օգնականի կողմից կաշառք պահանջելու գործով այսօր մեղադրող դատախազը Էրեբունի և Նուբարաշեն վարչական շրջանների ընդհանուր իրավասության դատարանում միջնորդեց Արմինե Կարապետյանին 3 տարվա ազատազրկման դատապարտել:

«Ես չգիտեմ` էտ 1500 դոլար հայտարարությունը դատախազը որտեղից է գտել, նման դեպք չի եղել»,- նշեց նա իր ցուցմունքում:

Այսօր դատարանում հետազոտված հեռախոսային խոսակցություններից մեկում տուժողը՝ Ալինա Հովհաննիսյանը զրուցելով վկաներից մեկի հետ ասել է, որ իրենից փող են ուզել, ինքը ի վիճակի չէ գումար տալ, ուստի ստիպված պետք է գնա ու ցուցմունք տա այդ մասին:

Էրեբունի և Նուբարաշեն վարչական շրջանների ընդհանուր իրավասության դատարանի դատավոր Վլադիմիր Գրիգորյանի օգնական Արմինե Կարապետյանի կողմից 1500 ԱՄՆ դոլար կաշառք պահանջելու գործով նիստն այսօր` փետրվարի 1-ին նույնպես անցավ թեժ մթնոլորտում: Երկու վկաներ հարցաքննվեցին:

Այսօր գործով որպես վկա հարցաքննության էր եկել Էրեբունի և Նուբարաշեն վարչական շրջանների դատախազ Ավետիս Ափիյանը:

Դատավորի օգնականի գործով որպես վկա պետք է հարցաքննվեն 4 անձիք, այդ թվում՝ դատախազ:

Վկան կրկին չկարողացավ հստակ պատասխանել, միայն ասաց, որ դատավորը գումար էր Ալինայից պահանջել:

Տուժող Ալինա Հովհաննիսյանի ընկերուհի Նոնա Բարսեղյանը պատմեց, որ Ալինայի հետ տանն են եղել, երբ նրա բջջային հեռախոսին զանգահարել է դատավոր Վլադիմիր Գրիգորյանի օգնական Արմինե Կարապետյանն ու կանչել դատարան: Գնացել է, վերադառնալուց հետո իրեն կանչել է իրենց տուն, ասել, թե իր տղայի` Գարիկի հետ կապված 1500 դոլար գումար են ուզում: Ինքն ասել է, որ չի կարող գումարով օգնել: Ալինան փորձել է ծանոթ-բարեկամներից գումարը հայթհայթաել, սակայն չի կարողացել:

Հարցաքննության ժամանակ երբեմն թե տուժողը, թե ամբաստնյալն ու նրա պաշտպանը հունից դուրս էին գալիս: Եվ պաշտպանական կողմի միևնույն հարցը՝ վերոհիշյալ հանգամանքի վերաբերյալ, մի քանի անգամ կրկնելուց հետո տուժողն ասաց. «Դուք էլ եք ինձ ճշտել՝ երկուսով» (Նկատի ունենալով ՝ ամբաստնյալին և նրա պաշտպանին): Պաշտպանը պատասխանեց. «Շանտա՞ժ ես անում»: Իսկ տուժողը խնդրեց պաշտպանին. «Կարգի հրավիրեք Ձեզ»: Այս արտահայտության համար թե պաշտպանը, թե դատավորը սաստեցին նրան: Պաշտպանն ասաց, թե «գողական է գնում», իսկ դատավորն էլ՝ «բա կինը նման արտահայտություն կանի՞»:

Տուժողը պատմեց, որ իրենից կաշառք վերցնելու մասին շատերն են իմացել՝ հարևաններն ու բարեկամները: Իսկ հարցին, թե ինչու է նրանց պատմել, պատասխանեց. «Չեմ պատմել, գումար եմ ուզել, ասել եմ, որ ինձնից կաշառք են ուզում, որ էրեխես չդատվի»:

Դատավորի օգնականի խոշոր չափերով խարդախության փորձի գործով Էրեբունի և Նուբարաշեն վարչական շրջանների ընդհանուր իրավասության դատարանում հերթական դատական նիստն ավարտվեց՝ պաշտպանական կողմից միջնորդությունները ներկայացվելուց հետո: