Կնոջը մեղադրանք է առաջադրվել իր 30 տարվա ամուսնուն սպանելու և նրա մարմինը Նյու Յորքի իրենց ագարակում գոմաղբի կույտի տակ թաղելու համար. գրում է Huffingtonpost-ը:
Ոստիկանության աշխատակիցները հայտնում են, որ երկուշաբթի օրը իրենց կանչել են 52–ամյա Դուգլաս Մեսսի բնակարան, որտեղ նրա որդին ասել է, որ հայրը աշխատանքի չի գնացել և, որ կիրակի օրը ժամը 8–ից ի վեր նրան ոչ ոք չի տեսել:
Ոստիկանության օդային և ցամաքային որոնումների արդյունքում հայտնաբերվել է Մեսսի մարմինը՝ թաղած իր ագարակում՝ գոմաղբի կույտի տակ:
Իշխանություններն ասում են, որ Մեսսին սպանել է նրա 48-ամյա կինը՝ Շարլին Մեսսը: Նրան սպանության մեղադրանք է առաջադրվել:
Շարլին Մեսսը գտնվում է շրջանի բանտում: Որպես խափանման միջոց ընտրվել է կալանքը:
Պատրաստեց՝ Լիլիթ Խառատյանը
