ՀՀ կենտրոնական ընտրական հանձնաժողովը հունվարի 30-ին գումարել է հերթական նիստ, որի ընթացքում ընդունվել են մի շարք որոշումներ` հաշվի առնելով «Տեղական հանրաքվեի մասին» Հայաստանի Հանրապետության օրենքում կատարված փոփոխությունները և լրացումները: Ընդունված որոշումներով սահմանվել են տեղական հանրաքվե կազմակերպելու և անցկացնելու համար անհրաժեշտ փաստաթղթերի ձևեր և առանձին գործառույթների իրականացման ընթացակարգեր: Այս մասին տեղեկանում ենք ՀՀ Կենտրոնական ընտրական հանձնաժողովի պաշտոնական կայքից:
Նիստի ընթացքում ՀՀ կենտրոնական ընտրական հանձնաժողովն էլեկտրոնային վիճակահանությամբ իրականացրել է 2015 թվականի մարտի 15-ին հանրապետության թվով 33 համայնքներում կայանալիք տեղական ինքնակառավարման մարմինների հերթական ընտրությունների տեղամասային ընտրական հանձնաժողովների նախագահի և քարտուղարի պաշտոնների բաշխումը` Ազգային ժողովում խմբակցություն ունեցող կուսակցությունների, կուսակցությունների դաշինքի միջև:
Թվով 57 տեղամասային ընտրական հանձնաժողովներում հանձնաժողովի նախագահի և քարտուղարի պաշտոններն Ազգային ժողովում խմբակցություն ունեցող կուսակցությունների, կուսակցությունների դաշինքի միջև բաշխվել են հետևյալ համամասնությամբ.
Հայաստանի Հանրապետական կուսակցություն (ՀՀԿ)` 25-ական,
«Բարգավաճ Հայաստան» կուսակցություն (ԲՀԿ)` 18-ական,
Հայ ազգային կոնգրես կուսակցությունների դաշինք (ՀԱԿ)` 5-ական,
«Հայ Յեղափոխական Դաշնակցություն» կուսակցություն (ՀՅԴ)` 3-ական,
«Օրինաց Երկիր» կուսակցություն (ՕԵԿ)` 3-ական,
«Ժառանգություն» կուսակցություն (ԺԿ)` 3-ական:
Ի՞նչ համամասնությամբ են բաշխվել ընտրական հանձնաժողովներում նախագահի և քարտուղարի պաշտոնները
