Գյումրիում այս պահին հանգստություն է տիրում: Սպասվում էր, որ Սերյոժա Ավետիսյանի մահվան լուրից հետո այսօր քաղաքում կիրականացվեն բողոքի ակցիաներ: Երեկվանից ոստիկանական մեքենաները հերթապահություն են իրականացնում քաղաքի փողոցներում:
Իրավաբան.net-ի հանրային թղթակիցը փոխանցում է, որ փողոցներն ամայի են, իսկ Երևանից տեղափոխված ոստիկանները պարապուրդի մատնված:
Այսօր քաղաքի Սուրբ Նշան եկեղեցում, ժամը 17:00-ին տեղի կունենա Սերյոժա Ավետիսյանի հոգեհանգստի արարողությունը, որից հետո Ավետիսյանների տան մոտ կիրականացվի մոմավառություն, այլ ակցիաներ այս պահին նախատեսված չեն:
