Հանրապետության ավտոճանապարհներին և մայրաքաղաք Երևանում գրանցվել են նոր պատահարներ:
Նոյեմբերի 3-ին, ժամը 16.15-ին, Երևանի Եզնիկ Կողբացու և Բուզանդի փողոցների խաչմերուկում իրար են բախվել «Մերսեդես-Բենց» և «ՎԱԶ-2102» մակնիշի ավտոմեքենաներ, ինչի հետևանքով «Մերսեդես-Բենց»-ի 31-ամյա ուղևորուհին մարմնական վնասվածքներով տեղափոխվել է հիվանդանոց։
Կատարվում է քննություն։
***
Նոյեմբերի 3-ին, ժամը 22.30-ին, «Միցուբիշի» մակնիշի ավտոմեքան Երևանի Արմենակյան փողոցի տներից մեկի մոտ բախվել է «Նիսան» մակնիշի ավտոմեքենայի, ինչի հետևանքով «Միցուբիշի»-ի վարորդը մարմնական վնասվածքներով դիմել հիվանդանոց:
Կատարվում է քննություն։
***
Նոյեմբերի 3-ին, ժամը 19.00-ին, «ՎԱԶ-2110» մակնիշի ավտոմեքենայի վարորդը Երևանի Իսակովի պողոտայի և Բաբաջանյան փողոցի խաչմերուկում վրաերթի է ենթարկել 47-ամյա մի կնոջ` պատճառել մարմնական վնասվածք և իր մեքենայով նրան տեղափոխել հիվանդանոց:
Կատարվում է քննություն։
***
Նոյեմբերի 3-ին, ժամը 03.10-ին, «ՎԱԶ-2109» մակնիշի ավտոմեքենան Երևանի Բագրևանդ թաղամասում վրաերթի է ենթարկել 48-ամյա տղամարդու, ինչի հետևանքով վերջինս վնասվածքներով տեղափոխվել է հիվանդանոց:
Կատարվում է քննություն։
***
Նոյեմբերի 3-ին, ժամը 09.30-ի սահմաններում, «Սուզուկի Գրանտ Վիտարա» մակնիշի ավտոմեքենայի վարորդը Արտաշատ քաղաքի Օգոստոսի 23-ի փողոցի շենքերից մեկի մոտ վրաերթի է ենթարկել 18-ամյա Հասմիկ Վ.-ին և իր մեքենայով նրան տեղափոխել հիվանդանոց:
Կատարվում է քննություն։
***
Նոյեմբերի 3-ին, ժամը 17.30-ի սահմաններում, «Մերսեդես Ե-320» մակնիշի ավտոմեքենան Սևան-Ճամբարակ ճանապարհի 2-րդ կմ-ին դուրս է եկել երթևեկելի գոտուց և կողաշրջվել, ինչի հետևանքով երկու ուղևոր մարմնական վնասվածքներով տեղափոխվել են հիվանդանոց։
Ձեռնարկվում են միջոցառումներ վարորդի ինքնությունը պարզելու ուղղությամբ:
Կատարվում է քննություն։
***
Նոյեմբերի 3-ին, ժամը 16.40-ի սահմաններում, «ԲՄՎ» մակնիշի ավտոմեքենան Վանաձորի Տիգրան Մեծի պողոտայի շենքերից մեկի դիմաց վրաերթի է ենթարկել 15-ամյա մի պատանու, որը մարմնական վնասվածքներով տեղափոխվել է հիվանդանոց:
Նշանակվել է դատաբժշկական փորձաքննություն:
Կատարվում է քննություն։
***
Նոյեմբերի 4-ին, ժամը 00.30-ի սահմաններում, «ԲՄՎ» մակնիշի ավտոմեքենան Աբովյան-Բյուրեղավան ճանապարհի 2-րդ կմ-ին կորցրել է կառավարումը և դուրս եկել երթևեկելի գոտուց, ինչի հետևանքով 30 և 31 տարեկան ուղևորները մարմնական վնասվածքներով դիմել են հիվանդանոց:
Կատարվում է քննություն։
***
Նոյեմբերի 3-ին, ժամը 18.00-ի սահմաններում, «ՎԱԶ-2106» մակնիշի ավտոմեքենան Երևան-Սևան-Իջևան-Նոյեմբերյան ճանապարհի 137-րդ կմ-ին բախվել է «Մերսեդես» մակնիշի ավտոմեքենայի, այնուհետև դուրս եկել ճանապարհի երթևեկելի մասից, ինչի հետևանքով «ՎԱԶ-2106»-ի ուղևորուհին տեղափոխվել է հիվանդանոց։
Կատարվում է քննություն։
