Ֆիդելիս իրավաբանական ընկերության հիմնադիր-գործընկեր Արմեն Անդրիկյանը մանրամասներ է ներկայացնում ՀՀ ՊԵԿ նախկին նախագահ Վարդան Հարությունյանի քրեական գործի վերաբերյալ։

Ըստ Արմեն Անդրիկյանի` մեղադրանքները վերաբերում են նույն հանգամանքներին և ապացույցներին, որոնք դեռ 2018 թվականին արդեն քննվել, հերքվել և հանգեցրել են քրեական գործի կարճմանը։

Նրա գնահատմամբ՝ նույն հիմքերով նոր գործ հարուցելը լուրջ խնդիր է ստեղծում իրավական անվտանգության և օրինականության սկզբունքների պահպանման տեսանկյունից՝ ձևակերպելով իրավիճակը որպես իրավական աբսուրդ։

Հիշեցնենք, որ Հակակոռուպցիոն կոմիտեում քննվող քրեական վարույթի շրջանակում ձերբակալվել է ՊԵԿ նախկին բարձրաստիճան պաշտոնյա Վարդան Հարությունյանը, ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով։