Փաստաբան Մարատ Ատովմյանը մի խնդրի մասին է բարձրաձայնում․ էլեկտրոնային արդարադատության համակարգի ներդրումից հետո, դեպքեր են լինում, երբ դատարանը վճիռ է կայացնում և անձի հայցը բավարարում է, որոշում է, որ բնակարանի մի մասը պատկանում է հայցվորին․ «Անձը ներկայանում է Կադաստր, ցանկանում է գրանցվել և ստանալ սեփականության վկայական, Կադաստրը պահանջում է վճռի բնօրինակը, կամ, գոնե, որ վճիռը «Դատալեքսում» տեղադրված լինի»։
Մարատ Ատովմյանը խոսքով՝ էլեկտրոնային արդարադատությամբ գրավոր վճիռ չի տրվում, դատարանը երբեմն պնդում է, որ համապատասխան փաստաթուղթը մեյլով ուղարկվել է հայցվորին, Կադաստրը պետք է դա հիմք ընդունի․ «Կադաստրի կոմիտեն էլ դա հիմք չի ընդունում, ասում է՝ կամ «Դատալեքս»-ն է հիմք, կամ տպագիր տարբերակը»։
Այստեղ առաջանում է փակ շղթա՝ կապված Կադաստրի կոմիտեի՝ էլեկտրոնային արդարադատությանը հասանելիություն ունենալու խնդրի հետ։
Մանրամասները՝ տեսանյութում։
