Գարշելի է, երբ մարդիկ այսօր էլ շարունակում են այլոց դասակարգել, նույնիսկ վիրավորել սեռի, արտաքինի, ազգության, սոցիալական կամ այլ կարգավիճակի բերումով։ Այս մասին ֆեյսբուքյան իր էջում գրել է Էկոնոմիկայի նախարար Վահան Հովհաննիսյանը։
«Իհարկե, նման մոտեցում ունեցող մարդկանց հետ առնչվելիս անձնական մակարդակում բնազդաբար ցանկություն է առաջանում կոշտ ձևով պատասխանել, սակայն մի բան ակնհայտ է. հանրային մակարդակում ամենաճիշտ և առաջնային արձագանքը պետք է լինի նրանց առնվազն կրթությունից և հանրային կառավարումից հեռու պահելը և երբեք նման մարդկանց չընտրելն ու իշխանության չբերելը, որպեսզի ապագայում այս խնդրի հետ հնարավորինս քիչ բախվենք»,-նշել է նա:
