Այսօր՝ հուլիսի 6-ին, ավտովթար է տեղի ունեցել Երևանում։ Ժամը 09:00-ի սահմաններում թիվ 31 երթուղին սպասարկող Zhongtong ավտոբուսը Մյասնիկյան պողոտայից դեպի Գայի պողոտա ընթանալիս՝ Գայի պողոտայի սկզբնամասում, դեռևս անհայտ հանգամանքներում, բախվել է բետոնե եզրաքարին, ապա երկաթե էլեկտրասյանը։
Iravaban.net-ին ՆԳՆ-ից հայտնեցին, որ վթարի հետևանքով 3 անձ տարբեր աստիճանի վնասվածքներ են ստացել ու հոսպիտալացվել։
Նշված երթուղին սպասարկում է Դավթաշեն 4-րդ թաղամասից մինչև Ջրվեժ թաղամաս։
