Լրագրողների հետ զրույցում ընդդիմադիր «Պատիվ ունեմ» խմբակցության վարչապետի թեկնածու Դավիթ Համբարձումյանը պատասխանել է այն հարցին, թե արդյոք հնարավոր է համարում իմփիչմենթի գործընթացը։
«Եթե մենք հնարավոր չհամարենք այդ գործընթացը, ինչի՞ ենք մտել դրա մեջ, այո՛, հնարավոր համարում ենք, և այդ գործընթացը տանելու ենք մինչև վերջ՝ ունենալով հաղթական ելք»,-ասել է նա։
Համբարձումյան հայտնել է՝ երկու խմբակցությունների հետ բանակցություններ պետք է լինեն, և երբ հայտնի լինեն արդյունքները, մանրամասներ կհայտնի։
Լրագրողի այն հարցին, որ մարդիկ անլուրջ են վերաբերում այս ամենին և պետք է ինքը չմտներ այս գործընթացի մեջ․ վերջինս պատասխանեց․ «Մենք անլուրջ մարդիկ չենք, հետևաբար ինչ անում ենք, շատ լուրջ և տրամադրված ենք անում, վստահեցնում եմ՝ մինչև վերջ գնալու ենք»։
Մանրամասները՝ տեսանյութում։
