ՀՀ առողջապահության նախարար Անահիտ Ավանեսյանն արձագանքել է համացանցում տարածված տեսանյութին, որում իր վարորդը մանկահասակ երեխային նստեցրել է մեքենայի առջևի նստատեղին։
«Շնորհակալ եմ պարոն Իոաննիսյանին հանրային վերահսկողության և լուսաբանման համար. կիրակի օրը իմ ծառայողական մեքենան վարորդը ավտոլվացման կետ տանելիս թույլ է տվել խախտում և անընդունելի վարքագիծ` երեխայի անվտանգության առումով:
Դիպվածը կստանա իրավական գնահատական, իսկ վարորդը` նաև խիստ նկատողություն»։
