Վարչապետ Նիկոլ Փաշինյանը հունիսի 2-ին որոշում է ստորագրել, որում ասվում է․

«Ղեկավարվելով «Ոստիկանությունում ծառայության մասին» օրենքի 13-րդ հոդվածի 2-րդ մասով, 45-րդ հոդվածի 1-ին մասի 1.1-ին կետով և 2-րդ մասով, ինչպես նաև «Հանրային ծառայության մասին» օրենքի 9-րդ հոդվածի 7-րդ մասով՝ Արամ Հովհաննիսյանին ազատել ոստիկանության պետ-ներքին գործերի նախարարի տեղակալի պաշտոնից և ոստիկանությունում ծառայությունից»:

Արամ Հովհաննիսյանը պաշտոնից ազատվել է երկարամյա ծառայության կենսաթոշակի անցնելու կապակցությամբ՝ անձնական նախաձեռնությամբ` գրավոր զեկուցագրի հիման վրա։

Ներկայացնում ենք Արամ Հովհաննիսյանի կենսագրությունը։

Արամ Հովհաննիսյան

Ծննդյան տարեթիվ, ամսաթիվ, ծննդավայր

1966 թ. նոյեմբերի 7, Արտաշատ

Կրթություն

• 1993 թ. ավարտել է Ֆիզիկական կուլտուրայի հայկական պետական ինստիտուտը:

1985-1987 թթ. ծառայել է Զինված ուժերում:

Աշխատանքային գործունեություն

• ՀՀ Վարչապետի 2023 թ. հունվարի 9-ի որոշմամբ Արամ Հովհաննիսյանը նշանակվել է ՀՀ ոստիկանության պետ-ներքին գործերի նախարարի տեղակալ:
• 2020-2023 թթ.՝ ՀՀ ոստիկանության պետի առաջին տեղակալ:
• 2019-2020 թթ.՝ ՀՀ ոստիկանության Արմավիրի մարզային վարչության պետ:
• 2018-2019 թթ.՝ ՀՀ ոստիկանության Կոտայքի մարզային վարչության պետ:
• 2016-2018 թթ.՝ ՀՀ ոստիկանության Երևան քաղաքի վարչության Կենտրոնական բաժնի պետ:
• 2014-2016 թթ.՝ ՀՀ ոստիկանության Երևան քաղաքի վարչության Շենգավիթի բաժնի պետ:
• 2012-2014 թթ.՝ ՀՀ ոստիկանության Արմավիրի մարզային վարչության Արմավիրի բաժնի պետ:
• 2008-2012 թթ.՝ ՀՀ ոստիկանության Արարատի մարզային վարչության Արտաշատի բաժնի պետ:
• 2007-2008 թթ.՝ ՀՀ ոստիկանության Արարատի մարզային վարչության Արտաշատի բաժնի պետի օպերատիվ գծով տեղակալ:
• 2002-2007 թթ.՝ ՀՀ ոստիկանության Արարատի մարզային վարչության Մասիսի բաժնի քրեական հետախուզության բաժանմունքի պետ։
• 2000-2002 թթ.՝ Արտաշատի ՆԳ բաժնի անչափահասների գործերով բաժանմունքի ավագ օպերլիազոր։
• 1993-2000 թթ.՝ Արտաշատի ՆԳ բաժնի քրեական հետախուզության բաժանմունքի օպերլիազոր:
• 1991 թ. ազատվել է ՆԳ մարմիններում ծառայությունից:
• 1990-1991 թթ.՝ Արտաշատի ներքին գործերի բաժնի պարեկապահակետային ծառայության միլիցիոներ:

Պարգևատրվել է՝

• ԼՂՀ Նախագահի հրամանագրով՝ 2002 թ. Մարտական ծառայության մեդալով:
• ՀՀ Նախագահի հրամանագրերով՝ 2010 թ. Մարտական ծառայության մեդալով, 2016 թ.՝ «Հասարակական կարգի գերազանց պահպանման համար» մեդալով:
• Պարգևատրվել է նաև ՀՀ ոստիկանության և այլ գերատեսչությունների մեդալներով ու կրծքանշաններով:

Ամուսնացած է, ունի երեք որդի: