.png)
ՀՀ արդարադատության նախարարության «Դատապարտյալների հիվանդանոց» քրեակատարողական հիմնարկի նախաձեռնությամբ ազատազրկված անձանց շրջանում անցկացվել է սեղանի թենիսի մրցաշար՝ նվիրված Հայաստանի Առաջին Հանրապետության հռչակմանը։
Այս մասին հայտնում են ԱՆ քրեակատարողական ծառայությունից։
Մրցաշարը կազմակերպվել էր Քրեակատարողական ծառայության աջակցությամբ, Երևանի քաղաքապետարանի աշխատակազմի սպորտի և երիտասարդության հարցերի վարչության պետ Արսեն Մակվեցյանի, ինչպես նաև Երևանի սեղանի թենիսի ֆեդերացիայի նախագահ Արթուր Պողոսյանի հետ համագործակցությամբ։
Խաղից առաջ խոսքով հանդես է եկել հիմնարկի պետ, արդարադատության փոխգնդապետ Ռոբերտ Թամարյանը, հաջողություն մաղթել ազատազրկված անձանց՝ ողջունելով խաղին մասնակցելու նրանց պատրաստակամությունը և ընդգծելով՝ օրը հատկանշական է նաև նրանով, որ «Դատապարտյալների հիվանդանոց» քրեակատարողական հիմնարկի ազատազրկված անձանց շրջանում առաջին անգամ է անցկացվում սեղանի թենիսի մրցաշար։
Մրցմանը մասնակցել են առողջական տեսանկյունից ֆիզիկապես ունակ ազատազրկված անձինք։
Առաջին հորիզոնականը զբաղեցրած Հ․ Սինանյանը Ռոբերտ Թամարյանի կողմից արժանացել է գավաթի, իսկ երկրորդ և երրորդ տեղերը զբաղեցրած ազատազրկված անձինք՝ Ռ․ Մանկիկյանը և Ա․ Օհանյանը՝ պատվոգրերի։
Հիմնարկի պետի կողմից աջակցության համար շնորհակալագրեր են հանձնվել նաև Արսեն Մակվեցյանին և Արթուր Պողոսյանին։
