«Սինոփսիս Արմենիա» ընկերության նախագահ Երվանդ Զորյանը պարգևատրվել է «Հայրենիքին մատուցած ծառայությունների համար» 1-ին աստիճանի մեդալով:

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի և «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.

Հանրապետության տոնի առթիվ, Հայաստանում բարձր տեխնոլոգիաների ոլորտի զարգացման գործում ներդրած նշանակալի ավանդի, երկարամյա անխոնջ գործունեության և նվիրումի համար «Սինոփսիս Արմենիա» փակ բաժնետիրական ընկերության նախագահ Երվանդ ԶՈՐՅԱՆԻՆ (Կանադա) պարգևատրել «Հայրենիքին մատուցած ծառայությունների համար» 1-ին աստիճանի մեդալով»,-նշվում է նախագահ Վահագն Խաչատուրյանի մայիսի 21-ի հրամանագրում: