Առողջապահության նախարարությունից պատասխանում են այն հարցին, թե արդյոք հաշմանդամություն ունեցող անձինք ստոմատոլոգիական բժշկական օգնության և սպասարկման ծառայություններից կարող են օգտվել  անվճար և արտոնյալ պայմաններով։

Ըստ նախարարության՝ Հաշմանդամություն ունեցող անձանց անվճար և արտոնյալ պայմաններով ստոմատոլոգիական բժշկական օգնությունը ներառում է.
1) հաշմանդամություն ունեցող` ֆունկցիոնալության խորը (1-ին խումբ) աստիճանի սահմանափակումով անձանց, ինչպես նաև մինչև 18 տարեկան հաշմանդամություն ունեցող անձանց պետության կողմից երաշխավորված` անվճար բժշկական օգնության և սպասարկման շրջանակներում տրամադրվում են հետևյալ ստոմատոլոգիական բժշկական օգնության ծառայությունները`
1.  ատամի հեռացում
2. կարիեսի բուժում
3. պուլպիտի բուժում
4. պերիօդոնտիտի բուժում,

2) հաշմանդամություն ունեցող` ֆունկցիոնալության ծանր (2-րդ խումբ) և միջին  (3-րդ խումբ) աստիճանի սահմանափակումով անձանց ստոմատոլոգիական բժշկական օգնության հետևյալ ծառայությունները տրամադրվում են արտոնյալ պայմաններով` համավճարի սկզբունքով`
1.  ատամի հեռացում
2. կարիեսի բուժում
3. պուլպիտի բուժում
4. պերիօդոնտիտի բուժում:

Հիմքը` Կառավարության 2004 թվականի մարտի 4-ի թիվ 318-Ն որոշման հավելված 3