1 պարեկ և 1 ոստիկան են ձերբակալվել։ Մեր տեղեկություններով՝ նրանք հատուկ պահպանվող տարածքից մեքենաների պահեստամասեր, որոշ դեպքերում էլ՝ հենց մեքենաներ են հափշտակել ու վաճառել։
Հակակոռուպցիոն կոմիտեից Iravaban.net-ին հաստատեցին ձերբակալման լուրը՝ նշելով, որ ոստիկանության աշխատակիցները ձերբակալվել են իրենց վստահված խոշոր չափերով գույքը հափշտակելու մեղադրանքներով։
ՆԳՆ-ից Iravaban.net-ին հայտնեցին, որ ՆԳՆ ներքին անվտանգության և հակակոռուպցիոն վարչությունում նշանակված ծառայողական քննության ընթացքում ձեռք բերված տեղեկությունների հիման վրա կազմված հաղորդումը ուղարկվել է Հակակոռուպցիոն կոմիտե, ինչի արդյունքում վարույթ է նախաձեռնվել։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
