Ավելի վաղ լրատվամիջոցներում տեղեկություն էր տարածվել, ըստ որի՝ որդին պնդում է, որ մայրը մահացել է «Արմենիա» բժշկական կենտրոնի բժիշկների անուշադրության հետևանքով։
Քննչական կոմիտեից Iravaban.net-ին հայտնեցին, որ դեպքի առթիվ ապրիլի 11-ին նախաձեռնվել է քրեական վարույթ՝ Քրեական օրենսգրքի 187-րդ հոդվածի 2-րդ մասի հատկանիշներով (Բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է մարդու մահ կամ այլ ծանր հետևանք)։ Նշանակվել է դատաբժշկական փորձաքննություն
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
