Պրոդյուսեր, Գյումրու քաղաքապետի թեկնածու, «Իմ հզոր համայնք» կուսակցության նախընտրական ցուցակը գլխավորող Ռուբեն Մխիթարյանն ավագանու մանդատը պահելու է, եթե անգամ քաղաքապետ չընտրվի․ այս մասին նա հայտնեց լրագրողներին։
Հարցին՝ ինչպես է պատկերացնում ՀՀ վարչապետ Նիկոլ Փաշինյանի հետ աշխատանքը, քանի որ կան ընդդիմադիր համայնքապետեր, որ հետո համագործակցել են նրա հետ, ծաղկեփնջեր նվիրել, Մխիթարյանը նշեց. «Կարծում եմ` Նիկոլ Փաշինյանը ինչ-որ մի կերպ պիտի դիմանա, հանդուրժի ինձ։ Ես սովորաբար ծաղկեփունջ նվիրում եմ կանանց, պաշտոնյա կանանց աշխատում եմ չնվիրել, որպեսզի դա չընկալվի որպես յուրահատուկ վերաբերմունք, իսկ Նիկոլ Փաշինյանին ծաղկեփունջ նվիրել չեմ պատրաստվում»։
