Սահմանն ապօրինաբար հատելու դեպքում ձեզ սպասում է ազատազրկում կամ արտաքսում։ Այս մասին հայտարարություն է տարածվել ՀՀ-ում ԱՄՆ դեսպանատան ֆեյսբուքյան էջում։
«Եթե ուղևորվում եք դեպի սահման՝ ապօրինի ճանապարհով ԱՄՆ տարածք մուտք գործելու համար, ապա վտանգում եք ձեր կյանքն ու ֆիզիկական անվտանգությունը, քանի որ կարող եք հայտնվել հանցավոր տարրերի, խմբերի ու խմբավորումների ձեռքում, դառնալ բռնաբարության, հարձակումների և սպանության զոհ։ Իսկ սահմանն ապօրինաբար հատելու դեպքում ձեզ սպասում է ազատազրկում կամ արտաքսում»,-նշված է հաղորդագրության մեջ։
