Մայր Աթոռի Տեղեկատվական համակարգի տնօրեն Եսայի քահանա Արթենյանը կրկին անդրադարձել է Արմեն քահանայի կարգալուծությանը։
Նա ֆեյսբուքյան էջում գրել է․
«Օրերս Բուլղարիայի հայոց թեմի Վառնայի Սուրբ Սարգիս եկեղեցու եկեղեցական վարչության անունից հայտարարություն էր տարածվել, որ Սարգիս Մելքոնյանը (կարգալույծ հռչակված Արմեն քահանան) Մեծի Տանն Կիլիկիո Կաթողիկոսության իշխանության ներքո է։
Թյուրիմացության տեղ չթողնելու համար հրապարակում եմ Մեծի Տանն Կիլիկիո Կաթողիկոսության համապատասխան տեղեկանքը։ Փաստն ինքնին խոսուն է և հավելյալ մեկնաբանությունների կարիք չկա»։
