ՀՅԴ Գյումրու կոմիտեն հայտարարությամբ է հանդես եկել, որում ասվում է․
«Սիրելի’ համաքաղաքացիներ,
ինչպես գիտեք, այսօր իրավապահ մարմինների կողմից բերման է ենթարկվել Գյումրու նախկին քաղաքապետ Վարդան Ղուկասյանը, որը հայտարարել է Գյումրու առաջիկա ՏԻՄ ընտրություններին քաղաքապետի թեկնածու առաջադրվելու մասին։
Կատարվածը, անկասկած, կապված է Գյումրու առաջիկա ՏԻՄ ընտրությունների հետ։
Երկիրը «ժողովրդավարության բաստիոն» հռչակած օրվա իշխանությունները շարունակում են քաղաքացու ընտրելու և ընտրվելու իրավունքի ոտնահարումը, փորձելով Գյումրիում ստեղծել վախի մթնոլորտ:
ՀՅԴ Գյումրու կոմիտեն խստորեն դատապարտում է նման գործելաոճը:
Ցանկացած թեկնածուի նկատմամբ այսպիսի գործողությունները փաստում են գործող ռեժիմի ոչ լեգիտիմ լինելու և ժողովրդավարության հիմք հանդիսացող ընտրական գործընթացի նկատմամբ ունեցած խորը անարգանքի մասին։
ք. Գյումրի
20 փետրվարի, 2025 թ.»։
Ավելի վաղ հայտնել էինք, որ ապօրինի զենք-զինամթերք կրելու և պահելու կասկածանքով ձերբակալված՝ Գյումրու նախկին քաղաքապետ Վարդան Ղուկասյանն ազատ է արձակվել:
