Վանիկ Ս.-ին մեղադրանք է առաջադրվել ոմն Lիաննային համբուրելու հարցի շուրջ կատակելու պատճառով գետնից վերցրած երկաթե բահով Գևորգ Պ․-ի գլխին դիտավորությամբ հարվածելու և նրա առողջությանը վնաս պատճառելու համար։
Տղամարդիկ սկսել են վիճաբանել, ինչն էլ ավարտվել է բահով հարված հասցնելով։
Այս մասին Iravaban.net-ը տեղեկացավ «Դատալեքս» դատական տեղեկատվական համակարգից։
Գործը դատարան է ստացվել 2024 թվականի հուլիսի 4-ին և մակագրվել դատավոր Սարգիս Հովհաննիսյանին։
Որպես խափանման միջոց է ընտրվել դաստիարակչական հսկողությունը։
Հաջորդ դատական նիստը նշանակված է այսօր՝ փետրվարի 13-ին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Լուսանկարը կապված չէ նշված դեպքի հետ։
