Արդարադատության նախարար Սրբուհի Գալյանը հրավիրված մամուլի ասուլիսի ժամանակ պատասխանեց նոր Սահմանադրություն ունենալու վերաբերյալ հարցին։
Նա հայտնեց, որ այս պահին իրենց խնդիրն է մինչև ընտրություններն ունենալ նոր Սահմանադրության տեքստ, և այս պահին աշխատանքները տարվում են այդ ուղղությամբ։
«Ես՝ որպես նոր նախարար, կարծում եմ, որ պետք է ստանձնեմ նոր պարտականություն և պատասխանատվություն՝ նոր Սահմանադրության նախագիծ մշակելու համար, որին հավանություն տալու կամ չի տալու ժողովուրդը, որովհետև, ինչպես գիտենք, նոր Սահմանադրությունը կարող է ընդունվել միայն հանրաքվեի միջոցով։
Ի՞նչն է վատ գործող Սահմանադրության մեջ։ Շեշտադրումները մարդու իրավունքներին վերաբերող, հատկապես սոցիալական իրավունքների չշեշտադրելու հանգամանքը, մենք պետք է առանձին գլուխների տեսքով դրանք նախատեսենք։
Խաղաղության օրակարգին առնչվող հարցերի հետ կապված Սահամանադրության մեջ փոփոխություն անելու որևէ անհրաժեշտություն չկա, ես այդ հարցը համարում եմ փակված․ դրա մասին ասել է նաև ՍԴ-ն»,-ասաց Սրբուհի Գալյանը։
