Բարձրագույն դատական խորհրդի հունվարի 8-ի որոշմամբ՝ դադարեցվել է Վարչական դատարանի նախագահի լիազորությունները։
«Հիմք ընդունելով Վարչական դատարանի նախագահ Արգիշտի Անդրանիկի Ղազարյանի կողմից 2025 թվականի հունվարի 7-ին ներկայացված՝ Վարչական դատարանի նախագահի պաշտոնից հրաժարականի վերաբերյալ դիմումը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, 35-րդ հոդվածի 2-րդ մասով Բարձրագույն դատական խորհուրդը
Ո Ր Ո Շ ՈՒ Մ Է
1. 2025 թվականի հունվարի 8-ից Վարչական դատարանի նախագահ Արգիշտի Անդրանիկի Ղազարյանի՝ Վարչական դատարանի նախագահի լիազորությունները համարել դադարած»,-նշվում է որոշման մեջ:
Ղազարյանը կշարունակի որպես դատավոր պաշտոնավարել։ Նախագահի պաշտոնից դատավորն է հրաժարական ներկայացրել։
