Դեկտեմբերի 16–ին, ժամը 14:46-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լեռնաձոր գյուղի մոտակայքում այրվում է կցորդիչով բեռնատար:
Այս մասին հայտնում են ՆԳՆ փրկարար ծառայությունից։
Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբն ու մեկ մարտական հաշվարկ:
Պարզվել է, որ այրվում է «MAN» մակնիշի բեռնատար՝ բեռնված 400 պարկ ցեմենտով և 250 փաթեթ ապակեմանրաթելով (վարորդ՝ Ա․ Ա․):
Հրդեհը մեկուսացվել է ժամը 15:57-ին, մարվել՝ 16:26-ին: Այրվել է բեռնատարը․ հրշեջ-փրկարարները կանխել են հրդեհի տարածումը դեպի կցորդ:
