Հայտնաբերվել է Արեգակնային համակարգի ամենացուրտ վայրը։

Այս մասին հայտնում է ՇՄՆ «Հայհիդրոմետ» ՊՈԱԿ-ի տնօրեն Լևոն Ազիզյանը։

Փորձագետները նշել են Արեգակնային համակարգի ամենացուրտ վայրը, և պարզվում է, որ այն շատ ավելի մոտ է Երկրին, քան շատերը կարող էին պատկերացնել: Հետաքրքիր է նաև այն, որ մարդը կապ չունի դրա ձևավորման հետ՝ միայն բնության ուժերն ու պատահականությունն է։

Տիեզերքն ինքնին անհավանական ցուրտ է: Նրա բազային ջերմաստիճանը մոտավորապես −270° է, որը շատ մոտ է բացարձակ զրոյին(-273,15°) և որի դեպքում մոլեկուլային բոլոր շարժումները դադարում են:

Բայց այս ցուցանիշը հաստատուն չէ ամբողջ Արեգակնային համակարգում։ Մոլորակները, արբանյակները և աստերոիդները ավելի տաք են, քան նրանց միջև եղած «դատարկ տարածությունը», այս ամենը պայմանավորված է Արեգակից էներգիայի կլանմամբ: Այդ պատճառով այնքան էլ ակնհայտ չէ, թե որտեղ է «ամենասառցե» տեղը։

Այս հարցին պատասխանելու համար գիտնականները պետք է չափեին ջերմաստիճանը Երկրից դուրս, ինչն այնքան էլ հեշտ չէ։ Պետք է օգտագործել այլընտրանքային մեթոդներ՝ ֆիզիկական մոդելներ, հաշվարկներ և ենթադրություններ։

Թվում էր, թե համաձայն հանրահայտ տվյալների, ավելի ցուրտ է այնտեղ, որտեղ արևային էներգիայի ազդեցությունն ամենաքիչն է: Օրինակ՝ Պլուտոնի վրա, քանի որ այն աներևակայելի հեռու է Արեգակից։ Իրականում սառցե անկյունը շատ ավելի մոտ է Երկրին՝ և այն Լուսնի վրա։ Համաձայն NASA-ի ավտոմատ միջմոլորակային ուղեծրային կայանի՝ Լուսնի արհեստական ​​արբանյակի (NASA Lunar Reconnaissance Orbiter) տեղեկատվության՝ Արեգակնային համակարգի ամենացուրտ տեղը Լուսնի հարավային բևեռի «ստվերային խառնարաններն» են։

Ըստ փորձագետների, ամեն ինչ կրկնակի ստվերապատման պատճառով է: Այսինքն՝ խառնարանը ոչ միայն պաշտպանված է արևի ուղիղ ճառագայթներից, այլ նաև ջերմության երկրորդական աղբյուրներից, օրինակ՝ արևի լույսի տակ գտնվող մակերեսների ճառագայթումից:

Եթե ​​հաշվարկները ճիշտ են, ապա այդպիսի վայրերում ջերմաստիճանը կարող է հասնել −248,15°-ի, մինչդեռ Պլուտոնի վրա այն «միայն» −232,75° է։