Վարչապետ Նիկոլ Փաշինյանը Թեհրանում մասնակցել է Իրանի Իսլամական Հանրապետության նորընտիր նախագահ Մասուդ Փեզեշքիանի երդմնակալության պաշտոնական արարողությանը։ Միջոցառումը տեղի է ունեցել Իրանի Մեջլիսում։
ԻԻՀ նախագահը ողջունել է պատվիրակությունների ղեկավարներին և համատեղ լուսանկարման արարողությունից հետո նրանց ուղեկցել դահլիճ։
Երդմնակալության արարողության սկզբում ներկաներին դիմել է ԻԻՀ Մեջլիսի նախագահ Մոհամմադ Բաղեր Ղալիբաֆը, այնուհետև ելույթ է ունեցել Իրանի դատական համակարգի ղեկավար Ղոլամ Հոսեյն Մոհսենի Էժեյին։
ԻԻՀ նորընտիր նախագահը շնորհակալություն է հայտնել պատվիրակությունների ղեկավարներին՝ երդմնակալության արարողությանը մասնակցելու համար և հանդես եկել ելույթով։
![](https://iravaban.net/wp-content/uploads/2024/07/MT015750.jpg)
![](https://iravaban.net/wp-content/uploads/2024/07/B75I5552.jpg)
![](https://iravaban.net/wp-content/uploads/2024/07/MT015677.jpg)
![](https://iravaban.net/wp-content/uploads/2024/07/B75I5322.jpg)
![](https://iravaban.net/wp-content/uploads/2024/07/B75I5178.jpg)
![](https://iravaban.net/wp-content/uploads/2024/07/B75I5239.jpg)