Էլադա Սահակյանը Iravaban.net-ի «Արցախահայերի իրավական խնդիրները Հայաստանում» շարքի շրջանակներում նշեց, որ 2023 թվականի սեպտեմբերի 19-ին Արցախի ամբողջական օկուպացիայից հետո, երբ բռնի տեղահանվել է, Հայաստանում բախվել է մի շարք իրավական խնդիրների։

Պաշտպանության բանակի զինծառայողը չորս երեխա ունի, իսկ Հայաստանում աշխատանք գտնել չի կարողանում։

«Դիպլոմս մնացել է Արցախում, ինչպես նաև աշխատանքային գրքույկս։ Ունեմ 20 տարուց ավել աշխատանքային փորձ, բայց այդ ամեն ինչը հիմա չի երևում։ Դիմել եմ, որ վերականգնեմ իմ աշխատանքային գրքույկը, ինձ ասել են՝ վկաներ պետք է բերես, դատական հայց ներկայացնես ու վկաները պետք է լինեն իրենց աշխատանքային գրքույկով։ Դե քանի որ ինձ հետ աշխատած մարդիկ բոլորն էլ եղել են Շուշիից, դժվարացա մարդ գտնել, որ իր աշխատանքային գրքույկը հանել է Շուշիից»,-նշեց նա։

————————

«Լեռնային Ղարաբաղից բռնի տեղահանվածների իրավունքների պաշտպանության մեխանիզմների ուժեղացում» ծրագիրը իրականացվում է Իրավաբանների հայկական ասոցիացիայի կողմից «Հարմոնիա» շուշեցի կանանց հասարակական կազմակերպության հետ համագործակցությամբ` Եվրոպական միության կողմից ֆինանսավորվող «Հայաստանում արդարադատության ոլորտի բարեփոխումների մշտադիտարկում» (www.juremonia.am) ծրագրի շրջանակներում:
Ծրագրի ընդհանուր նպատակն է նպաստել Արցախից բռնի տեղահանվածների ինտեգրմանը Հայաստանում իրենց բնակության նոր համայնքներում՝ նրանց իրավունքների պաշտպանության մեխանիզմների ուժեղացման միջոցով, բարձրացնել նրանց իրավունքների իրավական իրազեկության և արդարադատության հասանելիության մակարդակն ու պաշտպանությունը:
Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Իրավաբանների հայկական ասոցիացիա» հասարակական կազմակերպությունը և պարտադիր չէ, որ այն արտահայտի Եվրոպական միության տեսակետները:

Մանրամասները՝ տեսանյութում։