Բագրատ Սրբազանն այսօր ուղերձով դիմել է քաղաքացիներին։ Նա նշել է, որ Տավուշում և Լոռիում տեղի ունեցածը մտահոգություններ է պատճառել բոլորին․ «Մեր զորակցությունը և աջակցությունն ենք հայտնում Տավուշի և Լոռու շրջանի մեր սիրելի հայրենակիցներին, ձեզ բոլորիդ»։
Միևնույն ժամանակ Տավուշի թեմի առաջնորդը հայտնել է, որ այսօր, 16։00-ին նախատեսված հանրահավաքը կայանալու է։ Բագրատ Սրբազանը հորդորել է Տավուշի և Լոռիի բնակիչներին չմասնակցել հանրահավաքին, քանի որ իրենց առաքելությունն այսօր իրենց տներում է։
«Չափազանց դժվար է անձնապես ինձ համար, բոլորի համար այսպիսի իրավիճակում գտնվել, երկվության մեջ։ Մեր օրակարգը պիտի ընթանա, որպեսզի ապագայում կանխվեն, լուծումներ առաջարկվեն նման աղետների պարագայում, որոնք կարող են ծագել մեր երկրում»,-նշել է նա՝ հավելելով, որ օրակարգից շեղվելու առիթ ու պատճառ, որպես այդպիսին, չունեն։
Մանրամասները՝ տեսանյութում։
